Arddangosfa Bresennol
John Macfarlane - Gwaith Newydd
2 Awst 2012 - 25 Awst 2012
Ganwyd John Macfarlane yng Nglasgow ym 1948 ac addysgwyd yn Ysgol Gelf Glasgow. Y mae wedi byw a gweithio yng Nghymru ers 1975. Cyd-reda dwy yrfa – fel artist ac fel cynllunydd theatr ac y mae’n cael ei gydnabod fel un o arweinwyr y byd cynllunio theatr opera a bale, wedi iddo weithio i nifer helaeth o brif gwmnïau opera a bale y byd.
Mae’r arddangosfa ddiweddaraf hon yn cynnwys darluniau a pheintiadau o wisgoedd o gynyrchiad ‘Rake’s Progress’, gan Opera Albanaidd a fu ar y llwyfan yng Nglasgow a Chaeredin yn ystod mis Mawrth 2012. Roedd y cynhyrchiad yn datguddio budreddi a llymder bywyd yn Llundain yn ystod y 18fed ganrif. Mae’r delweddau yn dywyll ac eto’n gyfoethog – yn adlewyrchu breuder natur ddynol. O fewn yr arddangosfa mae hefyd casgliad o astudiaethau o opera bwerus ‘Elektra’ a fydd ar lwyfan yn Chicago yn ystod mis Hydref 2012.
Yn ychwanegol i’r ddau gynhyrchiad, mae ei gynlluniau diweddaraf yn cynnwys; 'Maria Stuarda',Opera Metropolitan, Efrog Newydd; 'La Baiser de la Fée', Bale Brenhinol Birmingham; 'L’Heure Espagnole & Gianni Schicchi','Peter Grimes', 'Lady Macbeth of Mtsensk' a 'The Magic Flute': i gyd yn y Ty Opera Brenhinol, Covent Garden; 'Idomeneo' yn y Opera Wladwriaeth Fienna, 'Don Giovanni' a 'The Fiery Angel' i Frwsel a 'Euryanthe' yn Glyndebourne. Cynhwysa gynyrchiadau eraill operau 'War and Peace' ar gyfer Opera Paris, 'Boris Godunov' yn Amsterdam, 'Falstaff' yn Florence, a 'The Queen of Spades', Opera Cenedlaethol Cymru, a 'Hansel and Gretel' ar gyfer Opera Cenedlaethol Cymru a’r Opera Metropolitan, Efrog Newydd. Drwy arddangos ledled Ewrop, y mae John wedi dod yn artist/cynllunydd cyfoes werth ei gasglu. Y mae ei waith yn rhan o sawl casgliad cyhoeddus gan gynnwys Amgueddfa Genedlaethol Cymru, y V&A, Llundain, Yr Albertina Fienna, Amgueddfa Huntarian, Glasgow, archif de L’Opera, Paris a chasgliad y TÅ· Opera Metropolitan.
Mae’r holl waith ar werth.
Oriau Agor
Llun-Gwener, 10:00-18:00
Sadwrn, 10:00-17:00
Suliau a Gwyliau Banc, ar gau
Grwpiau trwy apwyntiad yn unig os gwelwch yn dda